👈اللاعب رقم 1 فى شغلك الاونلاين هو👇
الزوار او الجمهور او العملاء ( الترافيك عموما على موقعك )
لو عرفت تفهمه صح و تتبع خطواته صح على موقعك يبقى انت كدا معاك منجم دهب
يجى سؤال هنا اعمل كدا ازاى ؟ 👇
فى طرق كتير تقدر تعمل بيها الكلام ده وكمان تحدد كل خطوة الزئر بيعملها عندك فى الموقع ايه . اسهلهم وابسطهم على سبيل المثال 👇
👈👈 اولا : جوجل Google
من خلال خدمات جوجل على سبيل المثال Google Ads و Google Analytics
تقدر انك تاخد كود الــ Tag الخاص بيهم و بتضيفه لموقعك وبعدها بتقدر تنشاء جمهور محدد لكل صفحة او قسم او للموقع ككل او لاكشن معين تم فى موقعك زى التسجيل او الشراء وبتقدر تعرف كل حاجة عن زوار موقعك
وتقدر تعيد استهدافهم مرة تانية وبطرق مختلفة
👈👈 ثانيا : الفيسبوك Facebook
وهو ده اللى يمكن اغلبكم مركز معاه وخصوصا فى مصر
من خلال الفيسبوك بتقدر تضيف كود الــ Pixel الى موقعك وبيبدأ الفيسبوك بيجمعلك الجمهور اللى بيزور موقعك فى البيكسل ده و تقدر من خلاله تنشأ جمهور لكل صفحة او قسم وللموقع ككل وكمان لكل اكشن معين اتعمل على موقعك زى الشراء او التسجيل او غيره زى الــ Tag الخاص بجوجل نفس القصة بالظبط
وبعدها بتقدر تعيد استهداف الجمهور ده تانى وكمان تقدر تعمل ليه جمهور مشابه بمعنى انك تقدر تستهدف جمهور شبه الزوار بتوع موقعك فى السلوك و التصرفات والاهتمامات وتقدر تحدد درجة التشابه دى ونسبتها اد ايه
📢📢 ونفس القصه مع اي منصه اعلانيه بتسمحلك بانك تقدر تاخد منها كود و تضيفه علي موقعك عشان تتتبع جمهورك اللي بيزور موقعك
🤩 تخيل معايا بقى انك قدرت تعمل ده . وبقيت عارف مين اشترى واشترى ايه
و مين دخل على صفحة منتج معين و ما اشتراش ومين زار اكتر من صفحة فى الموقع واهتم باي منتج
تخيلت انك عرفت المعلومات دى . طب تخيل بقى انك تقدر ترجع تستهدفهم تانى هما هما الناس دى وكمان ناس شبهم فى السلوك والاهتمام
يعنى مثال كدا 👇
لو عرفت ان اشخاص دخلوا واشتروا موبايل سامسونج . وتقدر تستهدفهم تانى يبقى اكيد لازم تستهدفهم وتطلعلهم اعلان اكسسورات موبايل سامسونج اللى اشتروها
طب مثال تانى عشان توضح اكتر
لو عرفت ان اشخاص دخلوا على شاشات معينة وحطوها فى سلة المشتريات بس مكملوش شراء . تخيل بقى لو وجهتلهم اعلان على نفس الشاشات دى بخصم مثلا 10%