الفرق بين Dynamic Creative Ads و Dynamic Ads (Catalog)

الفرق بين  Dynamic Creative Ads و Dynamic Ads (Catalog)

الاسبوع ده جالى اسئلة كتير عن الاعلانات الديناميكية بالفيسبوك ولاحظت اللبس الكبير اللى عند ناس كتير فى الفرق بين الاعلانات الديناميكية بالفيسبوك ما بين Dynamic Creative Ads و Dynamic Ads واللى هى معروفة ب (Catalog)

فى اختلاف كبير جدا بين الاتنين

👈الــ Dynamic Creative Ads

تقدر تقول عليها اعلانات responsive اكتر من انها Dynamic
يعنى ايه الكلام ده 🤔 يعنى انت اللى بتحدد فيها كل حاجة بتنشاء اعلان عادى جدا و تفعل Dynamic Creative و لما بتيجى تعمل اعلان بتلاقى انها سمحلك بإضافة 5 نصوص للاعلان الواحد و5 عناوين و حد اقصى 10 صور او فيديو و 5 اوصاف و 5 زر Call To Action

من الاخر كدا بتعمل 5 اعلانات فى اعلان واحد .. وده بيفيد جدا لما تكون بتعمل تيست لحملات اعلانية فبدل ما هتعمل كل اعلان لواحده تقدر تعمل اعلان Dynamic Creative فيه المتغيرات كلها اللى عايز تختبرها فى الاعلان ده لو انت بتست متغيرات اعلان مش استهداف ولا شريحة عملاء

وده هيفيد بردو جدا بعد لما الفيسبوك عمل حد اقصى للاعلانات للصفحة

👈الــ Dynamic Ads (Catalog)

دى بقى اعلانات Dynamic بجد
يعنى ايه … باختصار شديد دى اعلانات بتكون معمولة لكل عميل مستهدف بعينه و بتكون من خلال كاتلوج منتجاتك على الفيسبوك سواء كان متجر فى الفيسبوك او موقعك الالكترونى . وبيظهر اعلان المنتج ديناميكيا للعميل اللى مهتم بالمنتج ده و عميل تانى مهتم بمنتج تانى يظهره المنتج التانى

انا توهت يا كارم وضحلى اكتر 😳😳😳

👈 بص بمثال بسيط .. هنفترض ان عندك على متجرك 10 منتجات اسمائهم من 1 الى 10 مثلا .. كل اللى هتعمله انك هتنشئلهم كاتلوج و تحطهم فيه و تعمل اعلان Dynamic Ads (Catalog) وهنفترض ان عندك عملاء محمد واحمد ومصطفى

👈محمد مهتم بمنتج 1 و5 .. هيظهرله اعلانات بمنتجات 1 و 5 اوتوماتك
👈احمد مهتم بمنتجات 2 و 3 و 9 … هيظهرله اعلانات بمنتجات 2 و 3 و 9 اوتوماتك
👈مصطفى مهتم بمنتجات 4 و 6 و 7 و 8 .. هيظهرله اعلانات بمنتجات 4 و 6 و 7 و 8 اوتوماتك

وكل ده بيكون من خلال اعلان Dynamic Ads (Catalog) واحد بس انت عامله Dynamic Ads (Catalog) و فيه المنتجات دى كلها

ودى الاعلانات اللى بتعملها المتاجر الكبيرة والبرندات عشان بيكون عندها مئات الالوف وملايين من المنتجات فاكيد مش بيعملوا لكل منتج اعلان لواحده

وده بيفسرلك انك لما بتدخل على منتج معين في سوق.كوم اول ما تخرج منه تلاقى اعلانات نفس المنتج من المتاجر التانية زى نون وجوميا بيظهرلك على طول

دى بقى الاعلانات اللى بتعمل كدا بالظبط 😉

Karem Omran

Digital Marketing Manager | Google Ads Director | SEM | Instructor

اترك تعليقاً