اهم عوامل نجاح التسويق الالكترونى لاى منتج او شركة

اهم عوامل نجاح التسويق الالكترونى لاى منتج او شركة

عشان تقدر تنجح التسويق الالكترونى لعميلك لو مسوق لازم تاخد بالك من كام حاجة كدا تعالوا نقولهم سريعا

اولا : الاجتماع الاول
➖➖➖➖➖

لازم تعمل اجتماع مع صاحب الشركة او المنتج اللى هتسوقله وتاخد خلفية كويسة جدا عن المنتج او الشركة

ثانيا : الخطة التسويقية
➖➖➖➖➖➖

تبدأ بعد كدا فى اعداد خطة تسويقية شاملة للشركة او المنتج فى ضوء الاجتماع الاول مع صاحب الشركة او المنتج
وتبدا فى تنفيذ كل من 👇👇
👈 تحديد اهداف الشركة
👈 تحليل الشركة و المنتج داخلى
👈 تحليل السوق الخارجى
👈 تحليل المنافسين
👈 تحديد الشريحة المستهدفة من العملاء
👈 وضع الاستراتيجية التسويقية
👈 وضع الخطة التشيغلية
👈 تحديد الميزانية
👈 تحديد مؤشرات قياس الاداء ومراقبته

وتقدر تشوف فيديو تفصيلى عن اعداد خطة تسويقية بالامثلة العملي من هنا 👇👇

ازاى تعمل خطة تسويقية وبامثلة عملية – فيديو

وبعد ما تعمل كل ده لازم تاخد فى اعتبارك كام حاجة زى 👇👇

👈 لو المنتج محتاج تطوير عشان تقدر تنفذ خطتك التسويقية وتحقق الاهداف المطلوبة منك ( لازم تقول ده ) وتقترح التطوير اللى لازم يكون على المنتج زى مثلا ( التغليف – السعر – الجودة – وغيرها من اى شىء يتعلق بالمنتج )
👈 لو من تحليلك للشركة داخليا لاقيت فريق المبيعات فى الشركة ضعيف او محتاج تدريب او تطوير ( لازم تقول ده ) وتقترح النقاط اللى لازم يتطور فيها والاخطاء اللى بيقعوا فيها
👈 لو باقى عناصر الشركة او جزء منها زى ادارة فيها محتاجة اى تطوير او تدريب على نقاط معينة تذكر ده وتقدم مقترحاتك لده
👈 بتقدم اقترحاتك المختلفة اللى هتساعد فى نجاح التسويق الالكترونى على سبيل المثال ( مش موجود موقع تقترح وجود موقع الكترونى وبالشكل الصح زى انه يكون متوافق مع جميع الاجهزة وبه معاير ال SEO على الاقل ON Page )

ملحوظة 👇👇
➖➖

التسويق مش انك تجيب عميل للشركة او للمنتج وخلاص . التسويق انك تجيب العميل وكمان تخليه بيتكلم كويس جدا بعد كدا عن شركتك او منتجك ويكون راضى تمام عن خدمتك وانه حصل على المنفعة اللى كان محتاجها وحصل عليها بالشكل اللى يرضيه هو

ثالثا : اختيار المنصة التسويقية على الاون لاين
➖➖➖➖➖➖➖➖➖➖➖

دى تعتبر خط عريض من الخطوط العريضة للاستراتيجية التسويقية الموجودة فى الخطة التسويقية وخد بالك من كام حاجة 👇👇
👈 فى البداية لازم يكون للشركة موقع الكترونى وده من العوامل المهمة جدا لنجاح اى حملة تسويقية اون لاين زى ما قولتلك فوق كدا
👈 كتير مننا متخيل التسويق اون لاين يعنى حملة اعلانية على الفيسبوك او السوشيال ميديا المعروفة وده اكبر غلط الناس بتقع فيه فى منصات كتير ممكن تحقق نتائج وكمان بيكون فيها اشكال اعلانات مختلفة ومتنوعة وممكن تشتغل على منصات مختلفة فى نفس الوقت وده الاصح وبيرجع لتحليلك وخطة التسويقية

عشان تختار المنصة المناسبة للشركة لازم تحدد التالى 👇👇
👈 الشريحة المستهدفة من العملاء وتعرف الشريحة دى موجودة اكتر فى اى منصة اعلانية على الاون لاين
👈 الدولة اللى هتسوق فيها
👈 القطاع او المجال اللى الشركة شغالة فيه لان فى منصات تنفع B2B و منصات تنفع B2C وهكذا
👈 حجم الترافيك اللى موجود فى المنصة الاعلانية
👈 انواع الاعلانات المتاحة على المنصة اعلانيه

رابعا : محتوى اعلانك
➖➖➖➖➖➖

مهم جدا انك تكتب محتوى اعلان بشكل احترافى جدا ويجذب الشريحة المستهدفة ومهم جدا يكون فيه مصداقية عالية ووضوح تام واذا كانت الحملة بتعتمد على التشويق وان المعلومات تنزل على كذا اعلان متسلسل يكون كل اعلان منهم واضح منه ده

وتقدر تشوف المقال ده عن ازاى تكتب محتوى اعلانى صح 👇👇

ازاى تكتب محتوى اعلانى (ده اعلان زى الزفت) ؟

خامسا : التعامل مع العملاء المحتمالين اون لاين
➖➖➖➖➖➖➖➖➖➖➖

مهم جدا يكون فريق الرد على العملاء يكون محترف ويكون الرد بسرعة ويكون عندهم كل المعلومات عن المنتج وبكافة تفاصيله وما ينفعش العميل يسال سؤال ومايلاقيش اجابة واضحة ( وخصوصا شركات العقارت )

سادسا : اعادة الاستهداف
➖➖➖➖➖➖

من اهم عوامل النجاح اون لاين هو اعادة استهداف زوار موقعك او صفحات شركتك على السوشيال ميديا لان ده بيساعد جدا فى زيادة حجم المبيعات وخصوصا اذا كنت محدد كل زائر اهتم باى منتج عندك وكمان بيساعد فى انتشار العلامة التجارية بتاعتك

سابعا : تحليل حملاتك اعلانية
➖➖➖➖➖➖➖

مهم جدا تكون محدد عناصر قياس اداء حملاتك اعلانية وتكون قادر تقسها بوضوح و تقدر من خلالها تحلل حملاتك ونتائجها وتحسن فيها بشكل مستمر عشان ترفع من نتائج الحملات الاعلانية او تعرف المشاكل واسبابها وتعالجها فى اسرع وقت عشان تحقق اهدافك التسويقية

👈 👈 يمكن دى مش كل العوامل تفصيلا لكنها اهمها واللى لازم تاخد بالك منها وتركز فيها حبيت اوضحهالكم يمكن تساعدكم فى شغلكم

Karem Omran

Digital Marketing Manager | Google Ads Director | SEM | Instructor

اترك تعليقاً