اهم 10 ادوات لتحليل شغلك وتحليل منافسينك

اهم 10 ادوات لتحليل شغلك وتحليل منافسينك

اهم من الشغل تحليل الشغل 😉😉

فالسؤال بقى هنا احلل شغلى ازاى ؟!! 🏃‍♂️🏃‍♀️ تعالى اقولك
فى المقال اللى فات كلمتكم عن اهم العوامل اللى بتساعدك فى نجاح حملات التسويق الالكترونى وكان من ضمنها تحليل منافسينك وتحليل الحملات اعلانية ومتابعتها ( عموما التحليل بشكل عام )

ولو مكنتش قريت المقال ده تقدر تقراه من هنا وتقراه 👇👇

اهم عوامل نجاح التسويق الالكترونى لاى منتج او شركة

فى المقال ده انا هقولك شوية ادوات بيتم استخدمهم عشان تحلل شغلك وتحليل منافسينك .. مستعد ؟ يلا بينا 🏃‍♀️🏃‍♀️

1 – Google analytics

ودى اداه تابعة لــ Google وهى اداه مجانية بتربطها بالموقع بتاعك و بتعرفك كل كبيرة وصغيرة بتحصل فيه

2 – SimilarWeb

ودى من اقوى ادوات التحليل للمواقع والمنافسين و معرفة حجم الترافيك و تقدر تعرف منها تفاصيل كتير عن المنافس ووجوده وبدأ امتى و الترافك جايله منين ومنصات العلانية اللى بيعتمد عليها

3 – Ahrefs

ودى من اشهر اداوات الـSEO استخداما بتقدر تحلل منها المواقع والبحث عن الكلمات المفتاحية وبشكل تفصيلى

4 – Semrush

من الادوات القوية جدا فى تحليل الموقع و تحليل الكلمات المفتاحية وتحليل الباك لينكات الخاص بموقعك او مواقع المنافسين

5 – Keyword Planner

ودى اداه تابعة لــ Google بتكون موجودة داخل حسابك اعلانى فى Google Ads وبتقدر من خلالها تحلل الكلمات المفتاحية و حجمها و سعر كل كلمه

6 – Gtmetrix

دى اداه بتعرفك سرعة تحميل موقعك و بتديك تقرير شامل عنه وعن اسباب بطئه و المشاكل اللى فيه وايه حلها

7 – Page Speed insights

ودى ادادة تابعة لــ Google وبتقوم بنفس مهام اداة Gtmetrix بتديك تقرير شامل عنه وعن اسباب بطئه و المشاكل اللى فيه وايه حلها

8 – Buzzsumo

من اقوى ادوات المحتوى اللى ممكن تستخدمها بتقدر من خلالها تحلل المحتوى وتعرف مدى التفاعل على المحتوى و كمان بتقدر من خلالها تطلع بافكار للمحتوى ممتازة بجانب انك تقدر تعرف محتوى المنافسين ليك

9 – Siteliner

من الادوات اللى بتحلل محتوى موقعك وبتظهرلك المحتوى المتكرر فى الموقع و المحتوى الحصرى فيه وبتحللك صفحات الموقع بشكل تفصيلى

10 – Search Console

ودى كمان من الادوات التابعة لــ Google وتعتبر من اهم الادوات اللى لازم تربط موقعك بيها لانها بتعرفك كل كبيرة وصغيرة فى موقعك ومشاكلها مع محركات البحث و تم تحديثها مؤخرا واضافة ميزات جديدة لها

ودى كانت بعض الادوات اللى بيتم استخدمها فى تحليل الشغل اون لاين او تحليل منافسينك اون لاين و فى ادوات تانية كتير وكل اداه اختار اللى يناسبك ويناسب شغلك وابدا بيه

👈👈 نصيحة مهمة جدا 👉👉

لازم تهتم جدا بتحليل شغلك ونتائجه لان من غير ما تحلل شغلك عمرك ما هتعرف انت وصلت لفين وحققت ايه من اهدافك اللى عايز توصلها

Karem Omran

Digital Marketing Manager | Google Ads Director | SEM | Instructor

اترك تعليقاً