هل ابدأ فى الاونلاين أفلييت ولا تجارة الكترونية ؟ – فيديو

هل ابدأ فى الاونلاين أفلييت ولا تجارة الكترونية ؟ – فيديو

ناس كتير بتقع فى حيرة تبدأ افلييت ولا تبدأ تجارة الكترونية
وبنا ء على كدا لازم نعرف ايه هى التجارة الالكترونية وايه الافلييت والفروق بنهم واللى محتاجه كل منهم عشان تبداء فيه .. يلا بينا نعرف التفاصيل 👇👇

✅✅التجارة الالكترونية ( E-Commerce )

ببساطة كدا التجارة الالكترونية انك من اول ما بتعرض المنتج بتاعك لحد ما بيوصل للعميل وتعدى فترة الاسترجاع كل ده يتم بطريقة الكترونية من خلال الاون لاين
يعنى بتعرض منتجك اون لاين و تسوقه اون لاين والعميل يشوفه اون لاين على موقعك اوعلى صفحة الفيس بوك بتاعتك اى كان طريقة عرضك ليه
والعميل يطلب الشراء اون لاين ويدفعلك اون لاين او عند استلام المنتج و انت تشحن المنتج لحد العميل و يقدر العميل يعمل مرتجع للمنتج لو فى اى مشكلة اون لاين او انه مايرجعوش و تعدى فترة الاسترجاع و تبقى تمت عملية البيع بنجاح و طبعا بتقدم خدمة عملاء كويسة بعد البيع

⬅️⬅️ودى شويا احصائيات تعرفك اد ايه مستقبل التجارة الالكترونية يشجع جدا انك تدخل المجال ده 👇👇
بلغت قيمة سوق التجارة الإلكترونية العالمية تريليون و800 مليار دولار. وكانت الصين أكبر سوق على مستوى العالم، حيث حققت إيرادات بلغت 630 مليار دولار، تليها أميركا بـ500 مليار دولار ثم بريطانيا بـ86 مليار دولار.
ومن المتوقع أن تصل عائدات التجارة الإلكترونية عالمياً إلى 2.7 تريليون دولار بحلول عام 2023، ويهيمن قطاع الأزياء على أكبر حصة من المبيعات إذ من المتوقع أن يتجاوز 600 مليار دولار بنهاية العام الجاري، يليه قطاع الإلكترونيات بـ438 مليار دولار.

طب الــ E-Commerce محتاجة ايه عشان تبدأ فيها 👇👇

👈ميزانية كويسة
👈فريق عمل
👈القدرة على ادارة فريق العمل
👈اكتر من مورد او مصنع بيدوك المنتج اللى بتبيعه
👈القدرة على التسويق
👈القدرة على شحن المنتجات
👈القدرة على توفير اكتر من وسيلة للدفع للعميل
👈القدرة على تقديم خدمة عملاء مميزة

✅✅الافلييت ( Affiliate )

الافلييت هو تسويق منتجات وخدمات الغير بالعمولة يعنى بتسجل فى برنامج الافلييت الخاص بالشركة اللى هتسوق منتجاتها و بيدوك رابط خاص بيك فيه كود بتاع انت بس اى حد بيضغط على الربط ده ويشترى انت بتاخد عمولة من البيعة دى و بتختلف باختلاف المنتج او الخدمة و اللى بيكون الشركة اللى انت سجلت فيها محددلك العمولة كام % او كام كمبلغ واحد

طب الــ Affiliate محتاجة ايه عشان تبدأ فيها

👈ميزانية مش شرط تكون كبيرة
👈القدرة على التسويق

⬅️⬅️شوية ملاحظات مهمة بقى تحطها فى الحسبان👇👇

✅التجارة الالكترونية انت بتكبر شغلك و نفسك و بتعمل براند وكل مبلغ بتصرفه عائد عليك انت والزائر اللى بيجيلك بتقدر تحافظ عليه وترجعله اى وقت تانى و تعيد استهدافه و تبعله منتجات تانية

✅الافلييت انت بتكبر شغل غيرك و بتكبر براند غيرك و دايما انت تحت رحمة سياساته و التغيرات اللى فيها زى كدا جوميا كانت 30 يوم كوكيز بعد كدا بقت 7 ايام .. سوق كانت 30 يوم وبعد كدا بقت 24 ساعة وغيرها من السياسات اللى بتتغير من وقت للتانى
والعميل مهما حولت تحافظ عليه فهو فى كل الاول بيكون راح للشركة اللى بتسوقلها و بيقسمك فيه و يقدر يبعله بعد كدا من غيرك تماما

⬅️طب جميل اوى الكلام ده .. والاقيك بتقولى معنى كلامك كدا يا كارم ان التجاة الالكترونية افضل
هقولك بردو لاء هى هتكون انسب ليك لو قادر تديرها بالشكل الكامل اللى قولناه فى الاول واتوفرت كل العوامل دى فاكيد هى افضل واحسن
لكن انا دايما بنصح لو حد لسا بيدخل السوق جديد يبدأ بالافلييت الاول عشان يدرس السوق كويس ويعرف سلوكيات العملاء المستهدفين كويس جدا ويعرف اى المنتجات اللى هيقدر يشتغل عليها فى التجارة الالكترونية و هيستهدف عملائها ازى .. والافلييت هيساعده فى ده بمخاطر ومجهود اقل من التجارة الالكترونية وكمان هيحقق عائد كويس يساعده انه يبدأ تجارة الكترونية بشكل كويس

⬅️واغلب اللى شغاليين دلوقت فى التجارة الالكترونية و ليهم منتجات خاصة بيهم او بيبيعوا منتجات اون لاين كانوا بدئين كافلييت وبعد كدا اتنقلوا للتجارة الالكترونية

فى النهاية لوانت شايف متوفر فيك كل متطلبات التجارة الالكترونية وهتقدر عليه اتوكل على الله وابدا .. واكيد السعى والاجتهاد وتوفيق ربنا هيبقى معاك
لاقيت مش متوفرة ومعاك ابدأ افلييت واستفاد منه وتطور نفسك فيه وبعد كدا اتنقل للتجارة الالكترونية

والفيديو ده 👇👇 فى شرح بالتفصيل الفرق بين الافلييت والتجارة الالكترونية تقدر بعد ما تشوفه تحدد تبدأ باى واحدة فيهم

Karem Omran

Digital Marketing Manager | Google Ads Director | SEM | Instructor